Фабрицио Романо - Гравенберх "Ливерпуль" футболчиси

"Ливерпуль" ҳамда "Бавария" нидерландиялик ярим ҳимоячи Райан Гравенберх трансфери борасида келишувга эришди. Бу ҳақда таниқли инсайдер Фабрицио Романо хабар берди. 

Ушбу трансфер "қизиллар"га 40 миллион еврога тушади. Шунингдек, 5 миллион евро бонус ҳам мавжуд. 21 ёшли футболчи мерсисайдликлар билан 2028 йилга қадар мўлжалланган шартномага имзо чекиши кутиляпти.