Evropaning top klublari italiyalik hujumchi uchun kurashadi

"Milan" va "Atalanta" Lorenso Lukka uchun kurashga qo‘shildi.

Jurnalist Alfredo Pedullaning ma’lum qilishicha, "Milan" hujumchi atrofidagi vaziyatni aniqlashtirish maqsadida "Udineze"ga so‘rov yuborgan. Shuningdek, Lukkaga "Atalanta" ham qiziqish bildirmoqda.

Avvalroq, "Atletiko" 24 yoshli hujumchi uchun transfer taklifini berishi mumkinligi haqida xabar berilgandi. Lukka uchun kurashda "Napoli" eng kuchli nomzod hisoblanadi. Klublar shu hafta boshida uchrashuv o‘tkazishni rejalashtirgan edi.

A Seriyaning yakuniga etgan mavsumida Lukka 33 ta o‘yinda 12 ta gol urdi va bitta golli uzatmani amalga oshirdi.