"Эвертон" Чемпионшипнинг энг қиммат футболчиларидан бирини сотиб олди

Мерсисайднинг "Эвертон" клуби "Саутгемптон"дан 19 ёшли ҳужумчи Тайлер Диблингни трансфер қилганини эълон қилди. Футболчи билан шартнома 2029 йилнинг ёзигача мўлжалланган. Диблинг янги клубида 20-рақам остида ҳаракат қилади.

Трансфермаркт интернет портали маълумотларига кўра, "ирискалар" Тайлернинг трансфери учун 40,5 миллион евро тўлаган.

Аввалроқ, футболчига "Манчестер Юнайтед", "Челси", "Манчестер Сити", "Тоттенхэм", "Бавария" ва "Лейпциг" клублари қизиқиш билдирган эди.

Ўтган мавсумда Диблинг барча мусобақаларда 38 та ўйинда майдонга тушиб, тўртта гол ва учта голли узатмани амалга оширди. Transfermarkt порталида келтирилган маълумотларга кўра, футболчининг бозор нархи 25 миллион еврони ташкил этади.