Eronlik hujumchi Mehdi Taremi nima uchun "Nyukasl"ga o‘tmaganini aytdi

"Portu" hujumchisi Mehdi Taremi bir paytlar "Nyukasl"ga o‘tishi mumkin edi. Eronlik futbolchi nima uchun ingliz grandiga o‘tishni rad etganini aytdi

"Men Nyukaslning taklifini rad etdim, chunki o‘sha paytda ular ligada omon qolish uchun kurashayotgan edi. Men yomon mavsumdan keyin Chempionlar ligasiga kira olmaydi deb o‘yladim. Menimcha, “Portu” yaxshiroq edi. Qolaversa, men bu erda juda ko‘p katta o‘yinlarni o‘tkazdim.

Endi menda "Everton" bilan variant bor, lekin bu meni qiziqtirmaydi", - dedi Taremi.

2022/2023-yilgi mavsumda 30 yoshli osiyolik hujumchi “Portu” safida 51 ta o‘yinda maydonga tushib, 31 ta gol urdi va 14 ta golli uzatmani amalga oshirdi.