Эриксеннинг "Реал"га ўтиши бир йилга кечикиши мумкин

"Тоттенхэм" ярим ҳимоячиси Кристиан Эриксеннинг "Реал"га кўчиб ўтиши бир йилга кечикиши мумкин.

The Sun нашри тарқатган хабарга кўра “қироллик клуби” 27 ёшли даниялик футболчи учун талаб қилинаётган 150 млн евро маблағ тўламоқчи эмас ва шу боис уни эркин агент сифатида қўлга киритиш учун яна бир йил кутишга тайёр. Боиси, Эриксеннинг “шпорлар” билан тузган амалдаги шартномаси 2020 йилда ўз ниҳоясига етади.

Маълумот учун, Эриксен жорий мавсум “Тоттенхэм” сафида жами 52та ўйинда иштирок этди ва ўз ҳисобига 10та гол ёздириб қўйишга эришди.