Эрик тен Ҳаг Роналдунинг келажаги ҳақида гапирди

"Манчестер Юнайтед"нинг янги бош мураббийи Эрик тен Ҳаг "қизил иблислар"нинг португалиялик ҳужумчиси Криштиану Роналду ҳақида гапирди.

"Роналду — юқори даражадаги футболчи. Шунинг учун, уни кейинги мавсумда ҳам Манчестерда кўришни истайман. Криштиану 37 ёшда бўлса-да, жамоа ўйинига таъсир ўтказа олишига ишонаман", — дейди нидерландиялик мутахассис.

Эслатиб ўтамиз, жорий мавсумда Криштиану Роналду Англия Премьер лигасида 30 та ўйин ўтказиб, 18 та гол ва 3 та ассистентлик қилган.

Футболчининг инглиз клуби билан шартномаси 2023 йилнинг ёзига қадар амал қилади.