Энтони Гордон: "Ҳатто "Челси" ва "Манчестер Сити" ҳам "Барселона"дек тўпни назорат қила олмайди"

"Ньюкасл" вингери Энтони Гордон "Барселона"нинг тўп билан муносабатда бўлиш маҳоратидан ҳайратда қолди. Пайшанба куни каталония клуби Англияда "Ньюкасл"ни 2:1 ҳисобида мағлуб этди, бу ғалабага Маркус Рэшфорднинг дубли сабаб бўлди. Мезбонлардан фақат Гордон гол киритди. У ўйиндан кейинги интервьюсида рақибнинг ўйини унга кутилмаган таассурот қолдирганини айтди.

"Ростини айтсам, биз бундай даражада тўпни назорат қиладиган футболчиларга қарши кўп ўйнамаганмиз. Ҳа, биз "Манчестер Сити" ва "Челси"га қарши тўқнашганмиз, лекин улар ҳам бу даражада жуда зўр ҳаракат қилишмайди", – деди Гордон.

Эслатиб ўтамиз, Чемпионлар лигаси умумий гуруҳ босқичи иккинчи турида Эдди Хау жамоаси "Юнион Сент-Жиллуаз"га қарши баҳс олиб боради, "Барселона" эса ПСЖ билан куч синашади.