Энг зўр голни Роналду урган! (фото)

“Реал” ва Бельгия терма жамоаси футболчиси Эден Азар ўзи кўрган голлар ичида энг зўри Криштиану Роналдуга тегишли эканини такидлади.

Sport Brief нашрининг ёзишича, Азарга Криштиану Роналдунинг 2017-2018 йилги мавсумда Чемпионлар лигасининг чорак финалида “Ювентус” дарвозасига урган голи ёққан экан. Ўшанда португалиялик футболчи чалқанча усулда тўпни туринликлар дарвозасига жойлаб қўйган эди.

Қизиғи шундаки, ўша мавсум якунлангач, Роналду “Реал”дан “Ювентус”га кўчиб ўтган.

2023 йилнинг бошида Криштианунинг Европадаги фаолияти якунланди. Айни пайтда у Саудия Арабистонининг “Ан-Наср” жамоасида тўп тепяпти.