Emelyanenko raqibini dastlabki raundda nokautga uchratdi

Moskvadagi "VTB Arena"sida turnir bo‘lib o‘tdi. Musobaqaning asosiy jangida Aleksandr Emelyanenko va Mixail Koklyaev qarama-qarshi kelishdi.

Jang Emelyanenkoning birinchi raunddagi nokauti bilan yakunlandi. Bellashuv 2 daqiqayu 47 soniya davom etdi.

Eslatib o‘tamiz, jang boks qoidalariga asoslangan holda o‘tdi va 4 raund, 3 daqiqadan etib belgilangandi. Emelyanenko og‘ir vaznda REN TV chempionligini qo‘lga kiritdi.

38 yoshli jangchi MMAda 36 ta jang o‘tkazib, 28 ta g‘alabaga erishgan. 40 yoshli Koklyaev uchun boks debyut bo‘ldi.