Экитике: "Трансфер нархи мени қизиқтирмайди"

"Ливерпуль" ҳужумчиси Юго Экитике ўзининг трансфери ҳақида фикр билдирди. Мерсисайдликлар француз футболчиси учун "Айнтрахт"га 95 миллион евро тўлади.

"Мен учун бунинг аҳамияти йўқ. Барча эътиборимни ўйинимга қаратганман. Албатта, менинг трансфер суммам муҳокама қилинади. Бу футболда одатий ҳол. Мен "Ливерпуль"да ўйнашни истадим ва бу қарорни шахсан ўзим қабул қилдим", – дея Экитикенинг сўзларини "Goal" нашри келтирди.

23 ёшли футболчи амалдаги Англия чемпиони билан 2031 йил июнигача шартнома имзолаган. Жорий мавсумда у АПЛда 5 та ўйинда майдонга тушиб, 3 та гол урди.