Экитике: "Слот нафақат зўр мураббий, балки яхши инсон ҳам"

"Ливерпуль" сафида фаолиятини бошлаган Юго Экитике жамоанинг бош мураббийи Арне Слот ҳақида илк таассуротлари билан ўртоқлашди.

"Биз у билан илк суҳбатимиздаёқ жуда яхши тил топишдик. Слот жуда инсонпарвар шахс, шу боис фақат футбол эмас, балки турли мавзуларда ҳам эркин гаплаша олдик. У менга жуда қизиқ туюлди. У билан учрашганимдан жуда хурсанд бўлдим, чунки уни яхши инсон деб биламан. Унинг қўл остида ривожланишимга ишонаман. Слот менинг бу ерга келишимга жиддий таъсир кўрсатди" – деди Экитике клуб матбуот хизматига.

Маълумот учун, мерсесайдликлар АПЛнинг ўтган мавсум чемпиони саналади. Шунингдек, Слот шогирдлари 10 август куни Суперкубок баҳсида "Кристал Пэлас"га қарши майдонга чиқади.