ЕЧЛ. "Арсенал" ўзи учун аҳамиятсиз беллашувда дуранг ўйнади

Европа Чемпионлар лигаси гуруҳ босқич 6-туридан ўрин олган ПСВ - "Арсенал" баҳсида жамоалар 1:1 ҳисобидаги дурангга имзо чекди. 

42-дақиқада Эдвард Нкетия беллашувда ҳисобни очган бўлса, 50-дақиқа ўтиб бораётган бир пайтда Йорбе Вертессен ўйинда мувозанатни тиклади. Мазкур ҳисоб учрашув якунига қадар сақланиб қолди. 

Шу тариқа, "Арсенал" 13 очко билан гуруҳ пешқадами сифатида плей-оффга йўл олди. 9 очкоси бор ПСВ иккинчи поғонани банд этиб, "канонирлар" билан биргаликда кейинги босқич йўлланмасини қўлга киритди.