Дьёкереш: "Қанча кўп кутсанг, шунча ширин бўлади"

Лондоннинг "Арсенал" жамоасига яқинда қўшилган Виктор Дьёкереш Англияга кўчиб ўтганидан кейинги ҳис-туйғуларини баҳам кўрди.

"Қанча кўп кутсанг, шунча ширин бўлади" — деб ёзди у "Арсенал" формасидаги сурати остида ўз ижтимоий тармоқларида.

26 июль куни "канонирлар" расман шведциялик тўпурарни трансфер қилганини эълон қилди. У Португалиянинг "Спортинг" жамоасидан сотиб олинди. Дьёкереш 2030 йилгача "Арсенал" сафида тўп суриши кутилмоқда. Унинг трансфери бонуслар билан қўшиб ҳисобланганда 73,5 миллион еврога тушди. Форвард 14-рақам остида ҳаракат қилади.

АПЛнинг янги мавсумида "Арсенал" 17 август куни "Манчестер Юнайтед"га қарши сафар ўйини билан старт олади.