Дўсматов эмас, Коллазо танланди!

Минимал вазн тоифасида WBA чемпиони, таиландлик Тамманун Ниёмтронг 16 ноябрь куни Саудия Арабистонининг Ар-Риёд шаҳрида рингга кўтариладиган бўлди. Унга WBO йўналишида чемпиони Оскар Коллазо рақиблик қилади. 

Ниёмтронгнинг ҳисобида 25 та ғалаба бор ва у ҳозирга қадар мағлубиятга учрамаган. Пуэрто-Рико вакили бўлган Коллазо эса ҳозиргача 10 та ғалабага эришган.

Маълумот учун, ўзбекистонлик боксчи Ҳасанбой Дўсматов Тамманун Ниёмтронгнинг WBA камари учун ҳали ҳамон мажбурий даъвогар бўлиб турибди.