Де Йонг: Ҳафсалам пир бўлди

Френки де Йонг "Барселона"да кўпроқ унвонлар ютишини кутганини тан олди. 

Нидерландиялик ярим ҳимоячи Каталония клубига 2019 йилда "Аякс"дан келиб қўшилганди. 

"Тан олишим керак, "Барселона" билан шартнома имзолаганимда, 4 йил ичида атиги 1 та Ла Лига бош соврини, 1 та Испания кубоги ва 1 та Испания суперкубогини ютишимни тасаввур ҳам қилмагандим. 

Мен камида икки баравар кўпроқ соврин ютишни кутгандим. Шунинг учун, ҳафсалам пир бўлди. Бироқ баъзи нарсаларни олдиндан айта олмаймиз", - деди Френки де Йонг "Voetball International" нашрига берган интервьюсида.