Де ла Фуэнте Моратанинг пенальтини амалга ошира олмаганига муносабат билдирди

Миллатлар лигаси финалидаги асосий вақтдан кейинги пенальтилар сериясида (2:2, 3:5) Испания терма жамоаси ҳужумчиси Альваро Моратанинг зарбасини португалиялик дарвозабон Диегу Кошта қайтарди. Беллашувдан сўнг ушбу вазиятга испаниялик мутахассис ўз фикрлари ўртоқлашди. 
 
"Дарвозабон Моратанинг зарбаси йўналишини тўғри тахмин қилди. Ҳамма ўйинчилар ҳам пенальти тепишни хоҳлайвермайди, менинг жамоамда эса барча тепишни хоҳлайди 
 
Альваро - ҳақиқий чемпион. У гол ура олмаганидан жуда ачинаман, лекин бу табиий ҳолат. Мен ундан зарба беришни сўраган эдим, аммо у гол ура олмади" - деди Испания терма жамоаси бош мураббийи. 
 
Эслатиб ўтамиз, кечаги тўқнашувнинг 111-дақиқасида "Галатасарай" ҳужумчиси Микел Оярсабал ўрнига майдонга тушди. Пенальтилар сериясидаги зарбасини эса дарвозабон қайтарди.