De Bryuyne Saudiya Arabistoniga borishni xohlamayapti

Kevin de Bryuyne Saudiya Arabistoni chempionatida to‘p tepmoqchi emas. 

Avvalroq, yaqin sharq klublari yozda "Manchester Siti" yarim himoyachisi bilan shartnoma imzolamoqchi ekanligi haqida xabarlar tarqalgandi. 

"The Athletic" nashrining xabariga ko‘ra, 2023 yilda belgiyalik futbolchiga yiliga 70 million evro maosh taklif qilishgan, biroq Kevin buni rad etgan. De Bryuyne "shaharliklar" bilan shartnomani uzaytirmoqchi, qolaversa, u faoliyatini manchesterliklar safida yakunlashga ham qarshi emas. 

Agar futbolchi ketishiga to‘g‘ri kelsa, bu MLS chempionati bo‘lishi kutilmoqda. 32 yoshli havbek joriy mavsum APLda 7 ta o‘yinda maydonga tushib, 4 ta golga assistentlik qilgan.