Данило ўйин амалиётига эга бўлиши учун "Интер"га ўтмоқчи

Англиянинг "Манчестер Сити" клуби ҳимоячиси Данило фаолиятини бошқа чемпионатда давом эттириши мумкин. Бу ҳақда италиялик журналист Жанлука Ди Марцио хабар берди.

Манбанинг маълум қилишича, бразилиялик ҳимоячи ўйин амалиётига эга бўлиши учун "Манчестер Сити"ни "Интер"га алмаштирмоқчи. Футболчи бунинг учун камроқ маош олишга ҳам рози.

Маълумот ўрнида, Данило бу мавсум АПЛда 10 та учрашувда майдонга тушган ва бир марта гол урган.