“Челси”ни танлаб хато қилишди

“Челси” клуби янги хўжайин – Тодд Бёли ихтиёрига ўтганидан кейин кўрсаткичларда кескин пасайиш кузатилмоқда.

Клуб раҳбарияти бир мавсум давомида учта мураббийдан фойдаланди. Томас Тухель, Грэм Поттер ва жамоа афсонаси Фрэнк Лэмпард  ҳам ўзини кўрсата олгани йўқ.

“Челси” трансферларга катта пул сарфлади. Лондонга катта умид билан келган бир гуруҳ ўйинчилар танловидан пушаймон эканини яширмаяпти.

The Athletic нашрининг маълум қилишича, улар лойиҳа келажагига ишонмаяпти. Хусусан, қимматбаҳо ўйинчилардан Михаил Мудрик 2031 йилгача шартнома тузган. “Челси” тарихидаги энг қиммат трансфер эгаси Энцо Фернандес 2032 йилгача тақдирини шу жамоага боғлаб бўлган.

Секин-аста “Челси” гранд клуб мавқеини айрилиб, ўртамиёна жамоага айланиб бормоқда.