"Chelsi" yanvarda Ronaldu variantiga qaytishga tayyor

"Chelsi" xo‘jayini Todd Beli yanvar oyida "Manchester Yunayted" hujumchisi Krishtianu Ronalduni qabul qilishi mumkin.

Beli Ronalduni o‘tgan yozda, Ronaldu Chempionlar Ligasidan qaysidir klubga ketishni orzu qilgan paytda taklif qilishga qiziqqan edi.

Keyin Krishtianuning sotib olinishini Tomas Tuxel to‘sib qo‘ydi, uni Todd birinchi imkoniyatda - yozgi transfer oynasi yopilganidan bir necha kun o‘tib bosh murabbiy lavozimidan bo‘shatildi.

O‘shandan beri Ronaldu "Yunayted"ning asosiy tarkibidagi o‘rnini qaytara olmadi va uning yaqinda "Tottenxem"ga qarshi bahsda qilgan harakati 37 yoshli portugaliyalikni kiyinish xonasida zaharli figuraga aylantirdi.

"Daily Mail" xabariga ko‘ra, Beli yanvarda Ronalduni qo‘lga kiritish uchun ikkinchi urinishni qilishga tayyor, biroq Tuxel o‘rniga kelgan Grem Potter bunga qanday munosabat bildirishi hozircha aniq emas.

Ammo ma’lumki, Beli Ronaldu manfaatlarini himoya qiluvchi agent Xorxe Mendes bilan yaxshi munosabatda.