"Челси" сотилиши мумкин. Клуб қанчага баҳоланмоқда?

"Bloomberg" нашрининг хабарига кўра, инвесторлар "Челси"ни сотиб олиш бўйича музокараларга киришга тайёр. Бир вақтнинг ўзида бир нечта одамлар ва хусусий компаниялар таклифлар тайёрламоқда. 

"Челси" икки миллиард еврога баҳоланмоқда. Бу Европа тарихидаги энг катта келишувлардан бирига айланади. 

Манбанинг қўшимча қилишича, сотиш билан боғлиқ бир қанча муаммолар бўлиши мумкин. Британия ҳукумати Абрамовичга нисбатан санкцияларни жорий қилиши кутилмоқда. Бундай ҳолда, тадбиркор маҳаллий қонунларга кўра, Британия активларини сота олмайди.