"Chelsi" jarohat sabab yana bir yo‘qotishga duch keldi

"Chelsi" yarim himoyachisi Dariu Essugu uzoq vaqt davomida jamoasiga yordam bera olmaydi. Bu haqda "The Athletic" nashri xabar berdi.

Yosh xavbek Portugaliya yoshlar terma jamoasi yig‘inida sondan jarohat olgan. Manbalarga ko‘ra, Essugu kamida uch oydan keyingina maydonga qaytishi mumkin.

Essugu bu yozda "Sporting"dan 22 million evroga sotib olingan edi. U "Chelsi" safida Klublar o‘rtasidagi Jahon chempionatida 3 ta uchrashuvda maydonga tushdi, ammo gol yoki assist bilan jamoasiga yordam bera olmadi.