Bugun “Spartak” o‘ynaydi, O‘runovchi?

Rossiya premer-ligasining 12-turida Moskvaning “Spartak” jamoasi safar uchrashuvida “Krasnodar” mehmoni bo‘ladi.

Rossiya ommaviy axborot vositalari tarqatayotgan xabarlarga qaraganda,  kuchli raqibga qarshi o‘yin oldidan poytaxtliklarning bir necha futbolchisi uchrashuvda ishtirok etmasligi ma’lum bo‘ldi.

Xususan, Oston O‘runov, Maksim Glushenkov, Aleksandr Sobolev va Esekel Ponse bugungi uchrashuvda maydonga tusha olmaydi.

Oston O‘runov oktyabr oyining boshida O‘zbekiston milliy terma jamoasi yig‘iniga jalb etilgan va mashg‘ulotlarda jarohatlangani bois o‘rtoqlik o‘yinlarida o‘ynamay, Moskvaga qaytib ketgan edi.

Endi ma’lum bo‘lishicha, O‘runov jarohatidan to‘liq tiklanishga ulgurmagan.

“Krasnodar” va “Spartak” o‘rtasidagi uchrashuv Toshkent vaqti bilan 21:00da boshlanadi.

O‘runovni nega tanqid qilishyapti?

Omadsiz transfer yoxud Jasur va Oston Moskvani zabt etolmaydimi?

O‘zbek legionerlari faoliyatida jiddiy o‘zgarishlar bo‘ldi!

“Spartak”da O‘runovning o‘rni bormi?