Бугун Габриэль Жезус майдонга қайтади

"Арсенал" футболчиси Габриэль Жезус сафга қайтганидан хабарингиз бор бўлса керак. Ҳужумчи "канонирлар"нинг "Фулхэм"га қарши ўйинида майдонга тушиши кутилмоқда. Бу ҳақда "Goal" нашри хабар тарқатди.

26 ёшли ҳужумчи Бразилия терма жамоасининг мундиалдаги илк турида Камерунга қарши беллашувда тиззасидан жароҳат олиб, узоқ муддатга сафдан чиққанди.

Ушбу йўқотиш "Арсенал"га ҳам ўз таъсирини ўтказмай қолмади. Клубнинг асосий ҳужумчиси саналган Габриэльни ўрнини Нкетиа тўлдиришига тўғри келди. Аммо англиялик футболчи қанчалик буни уддалай олди? Нкетиа "Арсенал" сафида 23 та ўйинда 4 гол ва 1 та ассист амалга оширди. Ҳужумчининг МЮга қарши учрашувда кўрсатган қаҳрамонлигини ҳисобга олмаса, у Жезусни ўрнини тўлдира олмади.

Артета шогирдлари АПЛда чемпионлик учун курашаётган жамоа ҳисобланади. Уларни олдинда ҳали "Манчестер Сити", "Ливерпуль" ва"Челси"га қарши марказий баҳслар кутмоқда.