Бугун "Бунёдкор" Россия клуби билан ўйнайди

Туркиянинг Анталия шаҳрида ўқув-йиғин машғулотларини ўтказаётган "Бунёдкор" жамоаси бугун учинчи синов-назорат ўйинини ўтказади.

"Қалдирғочлар" Россия ФНЛ иштирокчиси, Астрахан шаҳрининг "Волгарь" жамоасига қарши майдонга тушади.  Ўйин маҳаллий вақт билан 17:00, Тошкент вақти билан эса 19:00да старт олади.

Эслатиб ўтамиз, аввалроқ "Бунёдкор" Қозоғистоннинг "Махтаарал" жамоасига 0:1 ҳисобида мағлуб бўлганди.