Бу юлдуз “Реал”га ўтиб кетишига йўл қўймаймиз!

“Реал” келаси ёзда “Байер” етакчиси Флориан Вирцни трансфер қилишни режалаштираётгани ҳақида хабарлар тарқатилмоқда.  
Бироқ “Бавария” раҳбарияти 21 ёшли ярим ҳимоячининг Бундеслигани тарк этишига йўл қўймоқчи эмас. 

"Relevo" нашрининг ёзишича, мюнхенликлар жорий мавсум якунланганидан кейин Флорианни ўз таркибига қўшиб олиш бўйича бир қарорга келган. 

Бугунги кунда Вирцнинг трансфер нархи 130 миллион еврони ташкил қилмоқа. “Байер” ўйинчининг шартномаси 2027 йилнинг ярмигача давом этишини инобатга олиб, бундан-да катта сумма талаб қилиши мумкин. 

Бундай вазиятда кўп нарса футболчининг ўзи қайси гранд клубни танлашига боғлиқ бўлади.