Бу клубга айнан Роналду керак!

"Арсенал"нинг собиқ ҳужумчиси Пол Мерсоннинг фикрича, "Челси" "Манчестер Юнайтед" ҳужумчиси Криштиану Роналдуни сотиб олиш учун курашга қўшилиши керак.

"Челси"га жаҳон даражасидаги марказий ҳужумчи керак. Бундай футболчисиз улар Премьер лигада учинчи ўриндан юқорига кўтарила олмайди. Менимча, Криштиану Роналду уларга катта ёрдам бера олади. Лондонликларга жамоанинг ҳужумкор ҳаракатларини якунлаш учун айнан шундай футболчи зарур”, - дея Мерсоннинг сўзларини келтиради “The Mirror”.

Аввалроқ португалиялик футболчи “Олд Траффорд”ни тарк этиш ниятида эканлигини маълум қилганди. Бунга клубнинг ЕЧЛда иштирок эта олмаслиги ва “қизил иблислар”нинг трансфер бозоридаги ҳаракатларидан норози эканлиги сабаб бўлган.

Роналдунинг "Манчестер Юнайтед" билан шартномаси 2023 йилнинг ёзига қадар амал қилади. Аввалроқ, ҳужумчига "Бавария", "Барселона", "Рома" ва "Наполи" клублари қизиқиш билдираётгани ҳақида хабарлар тарқалган эди.