Бу ҳужумчи Роналдудан кам эмас!

“Реал” бош мураббийи Карло Анчелотти жамоа тўпурари Карим Бензема ҳақидаги саволга жавоб берди.

Журналистлар италиялик мураббийдан “Бензема ҳозирги пайтда дунёнинг энг зўр ҳужумчисими?”, деб сўрашди.

- Ўйлашимча, худди шундай. У ўз ўйини билан кўрсаткичларини мунтазам яхшилаб боряпти. Ҳозир у гол уришда Криштиану Роналду ёки Эрлинг Холанддан кам эмас! Бензема зўр футболчи. Айниқса ҳозир жуда юқори формада, - деди Карло Анчелотти.

Жорий мавсумда франциялик ўйинчи Испания чемпионатида 18 та учрашувда майдонга тушиб, рақиблар дарвозасини 15 маротаба ишғол қилди.