Бразилиялик посбон рекорд ўрнатди

"Флуминенсе" посбони Фабио профессионал футболчилар орасида ўтказилган ўйинлар сони бўйича рекорд қайд этди.

Гап шундаки, кипер Жанубий Америка кубогининг 1/8 финал босқичида Колумбиянинг "Америка Де Кали" жамоасига қарши бахс Фабио учун фолиятидаги 1391-ўйин бўлди.Бу кўрсаткич бўйича бразилиялик футболчи 1966 йилдан 1997 йилгача профессионал фаолият олиб борган Англия терма жамоаси собиқ дарвозабони Питер Шилтонни (1390 та ўйин) ортда қолдирди. 

Маълумот учун, Фабио профессионал фаолиятини 1997 йилда бошлаган. У 3 марта Бразилия чемпионлигини қўлга киритган.