Braziliyalik bokschini engan Miraziz jahon chempionatining nimchorak finaliga yo‘l oldi

Avval xabar berganimizdek bugun Ekaterinburgda davom etayotgan Boks bo‘yicha jahon chempionatida 3 nafar hamyurtimiz ringga ko‘tariladi.

Hozirgina 57 kg vazn toifasida braziliyalik bokschi Douglas De Andrade va hamyurtimiz Miraziz Mirzahalilov o‘rtasidagi jang o‘z nihoyasiga etdi. Hakamlar esa bir ovozdan ushbu jangda o‘zbekistonlik bokschining g‘olib deb e’lon qilishdi. Shu tariqa Miraziz chempionatning nimchorak finaliga yo‘l oldi.

Eslatib o‘tamiz, bugun shuningdek 81 kg vazn toifasida Dilshod Ro‘zmetov hamda 91 kg vazn toifasida Sanjar Tursunovlar ham ringga ko‘tarilishadi.