"Borussiya" Sanchoning xaridorlarini qochirib yubordi

Dortmundning "Borussiya"si Jeydon Sanchoga qiziqish bildirayotgan klublar uchun juda katta tovon puli so‘radi.

The Telegraph nashrining xabariga ko‘ra, Nemis klubi 20 yoshli futbolchining transfer narxini 115 mln funtga baholadi.

Forvard uchun kurashda "Manchester Yunayted" klubi favoritlik qilmoqda, ammo hozirgi vaziyatda inglizlar buncha mablag‘ ajratmasligining ehtimoli yuqori.

MYu APL mavsumiga start berilganidan so‘ng, jamoa ixtiyorida qaysi futbolchilar bo‘lishiga qarab, transferlarni amalga oshirishni rejalashtirmoqda.

Avvalroq, Sanchoga "Real" klubi ham jiddiy qiziqayotgani haqida ma’lumotlar tarqagandi.