"Borussiya" etakchisi jamoani tark etadigan bo‘ldi

"Borussiya" Dortmund klubi futbolchisi Emre Jan jamoani tark etadi. Klub mavsum boshlanishidan oldin undan qutilishni maqsad qilgan.

Yangi bosh murabbiy Edin Terzich yarim himoyachi Janning harakatlaridan norozi. Mutaxassis "Liverpul" sobiq futbolchisining mashg‘ulotlarda olib borayotgan tayyorgarligini etarli emas, deb hisoblamoqda.

28 yoshli futbolchida jarohatlar ham bor. Shuningdek, Emrening ketishiga yana bir sabab - uning yuqori maoshi.  

Ma’lumot o‘rnida, Jan o‘tgan mavsum Bundesliganing 24 o‘yinida 5 gol va bitta assist qayd etgan.