Boks. Qozog‘istondagi turnirda ham yarim final janglari yakunlandi

Astana shahri mezbonlik qilayotgan “Elorda kubogi” bahslarining erkaklar o‘rtasidagi yarim final uchrashuvlari o‘tkazildi. Bugun 5 nafar bokschimiz final uchun ringga ko‘tarildi.

Afsuski ulardan, Mirazizbek Mirzahalilov va A’loxon Abdullaevlar mezbon bokchilarga imkoniyatni boy berib, turnirni bronza medali bilan yakunladilar. Qolgan 3 nafar bokschimiz finalga yo‘l oldi. 

Natijalar bilan tanishing:

-63,5 kg: Athamjon Muhiddinov - Almat Abduali (Qozog‘iston) 5:0

-71 kg: Havasbek Asadullaev - Aman Konisbekov (Qozog‘iston) 4:1

-80 kg: Rahmatullo Boymatov - Ayatulla Takejanov (Qozog‘iston) 5:0

Bugun shuningdek Rossiyaning Xabarovsk shahrida bo‘lib o‘tayotgan “Konstantin Korotkov” xalqaro xotira turnirida ham yarim final janglari bo‘lib o‘tdi va unda ishtirok etgan 11 nafar bokschimizning barchasi final yo‘llanmasini qo‘lga kiritdi.