Бир вақтнинг ўзида Мадрид клубидан 9 нафар футболчи жамоани тарк этиши мумкин

Мадриднинг "Атлетико" клуби бир вақтда тўққиз нафар футболчиси билан хайрлашиши мумкин. Бу ҳақда "Marca" нашри хабар берди.

Маълумотларга кўра, жамоани тарк этиши аниқ бўлган футболчилар — Аксель Витсель, Сезар Аспиликуэта ва Рейнилду. Уларнинг шартномаси якунланмоқда ва узайтирилмайди.

Шунингдек, Анхель Корреа, Родриго Рикельме, Самуэль Лино ва Науэль Молина каби футболчиларнинг ҳам кетиши эҳтимоли юқори.

Бундан ташқари, ярим ҳимоячилар Родриго де Пауль ва Конор Галлахер ҳам жамоани тарк этиши мумкин бўлган номзодлар қаторида турибди.

Эслатиб ўтамиз, "матрасчилар" ўтган мавсум Ла Лигани 3-ўринда якунлаган ва келаси мавсумда Чемпионлар лигасида иштирок этади.