Benzema "Real"ni tark etishi mumkin. Unga Saudiyadan super taklif bor

Madridning "Real" klubi rahbariyati Karim Benzema jamoani tark etish haqida o‘ylamoqda deb gumon qilmoqda.

"Relevo" nashri xabariga ko‘ra, Benzema Saudiya Arabistonidan 2 mavsumda 200 million evro ishlab olishi mumkin bo‘lgan taklif olgan. Taklif reklamadan qo‘shimcha daromad olish, bolalar uchun maktablar yaratish, shuningdek, Saudiya Arabistoni, Gretsiya va Misrning 2030 yilda jahon chempionatini o‘tkazish uchun qo‘shma arizasini taqdim etish imkoniyatini o‘z ichiga oladi. Bundan tashqari, Benzema soliq to‘lashdan ozod qilinishi mumkinligi xabar qilingan.

Ma’lum qilinishicha, murabbiylar shtabi va "qirollik klubi" rahbariyatining ayrim a’zolari Benzema taklifni qabul qilib, shu yozdayoq "Real"ni tark etish haqida o‘ylamoqda, deb gumon qilmoqda. Klubni, shuningdek, madridliklar sardorining mavsumning so‘nggi qismida o‘zini tutishi - xususan, uning "Xetafe" bilan o‘yin oldidan Ispaniya kubogi taqdimotida qatnashmagani va "Manchester Siti"ga mag‘lub bo‘lganidan keyin matbuotga gapirishdan bosh tortgani ham hayratda.