"Бавария"ни саккиз футболчи тарк этиши мумкин

Бу ёзда Мюнхеннинг "Бавария" клубини 8 нафар футболчи тарк этиши мумкин, бу ҳақда "Bild" нашри хабар бермоқда. Германия чемпиони раҳбарияти футболчиларни сотишга ҳам, ижарага беришга ҳам рухсат беришади.

Мюнхен клубидан кетувчилар рўйхатига Садио Мане, Серж Гнабри, Леон Горецка, Марсел Забицер, Райан Гравенберх, Бенжамин Павар, Нуссер Мазрауи ва Бун Сарра киритилган.

Аввалроқ Манега Саудия Арабистони чемпионатидан фойдали таклиф борлиги хабар қилинганди.

Ўтган мавсумда "Бавария" сўнгги турда "Боруссия" Дортмунддан олтин медалларни тортиб олиб, яна Бундеслига чемпионига айланган эди.