“Bavariya” yulduzining tulpori Olimpiadada chempion bo‘ldi (foto)

Frantsiya poytaxti Parij shahri mezbonlik qilayotgan Olimpiya o‘yinlari “Bavariya” yulduzi Tomas Myullerning ham xotirasida bir umrga saqlanib qoladigan bo‘ldi.

Ma’lumki, Tomas Myuller va uning rafiqasi oilaviy ot biznesi bilan shug‘ullanadi.

Myullerlar egalik qiluvchi “Cheker” laqabli tulporda Olimpiya o‘yinlarida ishtirok etgan germaniyalik chavandoz Kristian Kukuk individual konkur bahslarida eng yuqori natija bilan chempionlikka sazovor bo‘ldi.

O‘zi uchun muvaffaqiyatli o‘tgan musobaqadan keyin olimpiya chempioni Kristian Kukuk mashg‘ur futbolchiga otini ishonib unga bergani uchun katta minnatdorlik bildirdi.