"Бавария" Дэвисга нарх белгилади

"Бавария" чап қанот ҳимоячиси Альфонсо Дэвис учун нарх белгилади. Инсайдер Мануель Бонкенинг сўзларига кўра, Томас Тухель жамоаси канадалик футболчини 100 миллион евролик таклиф олган тақдирдагина сотиш масаласини кўриб чиқади.

Аввалроқ Дэвисга Мадриднинг "Реал" клуби  жиддий қизиқиш билдираётгани ҳақида хабар берилганди."Қироллик клуби" трансферга Ферланд Мендини ҳам қўшмоқчи.

22 ёшли мудофаа вакили Бундеслиганинг сўнгги мавсумида битта гол урди ва тўртта голли узатмани амалга оширди. Футболчининг "Бавария" билан шартномаси 2025 йилнинг ёзига қадар мўлжалланган.