“Барселона”га келган иккинчи Неймарни танийсизми?

“Барселона” анчадан буён кузатув остида бўлган “Сан-Паулу” ҳужумчиси Густаво Майяни 4,5 миллион евро эвазига харид қилди.

Клуб расмий сайти 19 ёшли футболчи билан беш йиллик келишув имзоланганини хабар қилди. Бразилиялик ҳужумчининг трансфер суммаси 300 миллион евро қилиб белгиланди. Майя Испаниядаги дастлабки мавсумини “Барселона”нинг иккинчи жамоасида ўтказади.

Бразилия оммавий ахборот воситалари журналистлари бу ҳужумчини футбол юлдузи Неймарга тенглаштиришни хуш кўради.