"Барселона"да яна бир футболчи жароҳат олди

"Барселона" ҳужумчи Ферран Торреснинг Испания терма жамоаси сафида олган жароҳати ҳақидаги тафсилотларини эълон қилди. 

Тиббий текширув натижасида Ферранинг чап оёғи соннинг орқа қисми мушакларида ортиқча зўриқиш аниқланди ва футболчида бошқа жиидий жароҳатлари йўқлиги тасдиқланди. Торрес таркибдан чиқарилмайди ва тикланиш жараёнини ўтказади. 

Эслатиб ўтамиз, бундан олдин Испания Қироллик футбол федерацияси Торрес оёқ мушагида ноқулайлик сезгани сабабли Испания терма жамоасининг 14 октябрь куни Болгарияга қарши бўлиб ўтадиган учрашув қайдномасига киритмаганини маълум қилган эди.