"Barselona" Yamal bilan kelishib oldi

"Barselona" va Lamin Yamal yangi shartnoma bo‘yicha o‘zaro kelishuvga erishdi. Bu haqda "El Chiringuito" kanali xabar berdi.

Ma’lumotlarga ko‘ra, kelishuv 6 yilga mo‘ljallangan. Shartnomani bekor qilish summasi bir milliard evroni tashkil etadi. Shartnoma qanot hujumchisi 18 yoshga to‘lganda imzolanadi. Bu 2025 yil 13 iyulda sodir bo‘ladi.

Ma’lumot uchun, joriy mavsumda Yamal klub uchun barcha musobaqalarda 16 ta o‘yin o‘tkazib, 6 ta gol va 8 ta golli uzatmaga mualliflik qildi.