"Barselona" Koutino bo‘yicha barcha takliflarni ko‘rib chiqishga tayyor

Italiyalik jurnalist-insayder Fabritsio Romanoning xabar berishicha, “Barselona” yarim himoyachisi Filippe Koutino yozgi transferlar davrida jamoani tark etishi mumkin.

Yuqoridagi manbaga ko‘ra, “ko‘k-anor ranglilar” 28 yoshli braziliyalik futbolchining transferi bo‘yicha har qanday takliflarni ko‘rib chiqishga tayyor.

Qishki transferlar davrida Koutinoga qiziqish bildirgan "Arsenal" hozirda bu fikridan qaytgan.

Filippe Koutino joriy mavsum “Barselona” safida jami 15 ta o‘yinda maydonga tushdi. U ushbu uchrashuvlarda o‘z hisobiga bor yo‘g‘i 3 ta gol yozdirib qo‘ydi xolos.