"Барселона" футболчиси "Интер"га ўтиши ҳақидаги гап-сўзларга изоҳ берди

"Барселона" ярим ҳимоячиси Артур Рамос "Интер"га ўтиши мумкинлиги ҳақидаги гап-сўзларга изоҳ бериб ўтди.

"Ҳар бир футболчи учун "Интер" каби клуб томонидан қизиқиш билдирилаётгани ўзгача ғурур бағишлайди. У ерда ажойиб мураббий қўл остида кучли футболчилар тўп суришади. Бироқ, ҳозир мен "Барселона" футболчисиман, бу ерда ўзимни жуда яхши хис қиляпман ва каталонияликлар таркибида иложи борича кўпроқ йилларни ўтказиш ниятидаман", - дейди футболчи.

"Интер" Лаутаро Мартинесни "Барса"даги учта футболчи: Жан Клер Тодибо, Карлес Аленья ва Артур эвазига алмаштиришга тайёрлиги маълум қилинган эди.