"Барселона" Де Йонг билан шартномани узайтиради

Френки де Йонг "Барселона"да қолади. Бу ҳақда "Diario Sport" хабар бермоқда.

Манбага кўра, "кўк-анорранглилар" Френки билан шартномани 2029 йилгача узайтириш бўйича қисман келишувга эришган. Шартномани узайтириш ва де Йонгнинг маошини қайта тақсимлаш Билбаонинг "Атлетик" клуби вингери Нико Уильямсни сотиб олишда муҳим омил бўлиши мумкин.

2024/25 йилги мавсумда нидерландиялик барча мусобақаларда 46 та учрашувда қатнашиб, иккита гол урди ва иккита голли узатмани амалга оширди. Ярим ҳимоячининг "Барселона" билан амалдаги шартномаси келаси ёзгача амал қилади.