"Barselona" Dani Alvesning tibbiy tekshiruv natijalarini e’lon qildi

Braziliyalik himoyachi Dani Alves "Barselona"ga o‘tishdan oldingi tibbiy tekshiruvlardan muvaffaqiyatli o‘tdi. Bu haqda klub rasmiy sayti xabar tarqatmoqda.

Shu tariqa, 38 yoshli futbolchi tez orada “ko‘k-anor ranglilar”ning mashg‘ulotiga qo‘shiladi. 17 noyabr kuni "Kamp Nou"da Alvesning tanishtiruv marosimi bo‘lib o‘tishi belgilangan.

Eslatib o‘tamiz, Dani Alves bundan avval ham "Barselona" sharafini himoya qilgan. 2008-2016 yillarda shu jamoada o‘ynagan futbolchi 247 ta o‘yinda ishtirok etib, raqib darvozasiga 14 ta gol urgan.