"Барселона" "Аякс" сардорини сотиб олишга яқин турибди

Каталониянинг “Барселона” клуби “Аякс” ҳимоячиси Маттейс де Лигтни сотиб олишга жуда яқин турибди. Бу ҳақда ESPN хабар бермоқда.

Таъкидлаш керакки 19 ёшли голландиялик футболчига шунингдек “Ювентус” ва “Бавария”дан ҳам жиддий қизиқишлар бор. Аммо, у фаолиятини “Барселона”да давом эттирмоқчи. Ҳозирда “кўк-анор ранглилар” вакиллари де Лигтнинг агенти Мино Райола билан доимий алоқада бўлиб туришибди.

Маълумот учун, де Лигт жорий мавсум “Аякс” сафида жами 50та ўйинда майдонга тушди ва 5та гол уришга эришди.