"Барселона" 180 миллион еврога АПЛдан суперҳужумчи олиб келмоқчи

"Манчестер Сити" ва Норвегия терма жамоаси ҳужумчиси Эрлинг Холанд фаолиятини Испанияда давом эттириши мумкин. Бу ҳақда "Football Insider" хабар бермоқда.

Манба маълумотларига кўра, футболчини ўз сафига қўшиб олишни Каталониянинг "Барселона" клуби истаяпти. "Кўк-анорранглилар" норвегиялик ҳужумчини Роберт Левандовскига ўринбосар сифатида кўришмоқда.

25 ёшли Холанднинг нархи ҳозирда 180 миллион еврони ташкил этади. Унинг "шаҳарликлар" билан тузилган шартномаси 2034 йилнинг ёзида тугайди. АПЛнинг жорий мавсумида Эрлинг тўртта ўйинда бешта гол урган.