“Barsa”ning xabari “Chelsi”ga qimmatga tushyapti

“Barselona” rahbariyati “Chelsi” himoyachilari Sesar Asptlikueta va Andreas Kristensenni Kataloniyaga olib kelish fikridan qaytmagani haqida xabar tarqatgani bu ikki o‘yinchining rejasini o‘zgartirib yubordi, deb yozmoqda Daily Mail.

Ma’lumotlarga ko‘ra, Kristensen aynan mana shu sababli “aristokratlar” bilan muzokarani to‘xtatdi.

“Chelsi” sardori Aspilikueta ham London klubidagi uzoq yillik faoliyatidan so‘ng muhitni o‘zgartirish niyatida Sesar “Barselona”ga o‘tib, Xavi bilan ishlashni rejalashtirmoqda.

“Chelsi” himoyasining mustahkamligini ta’minlab turgan har ikki futbolchi mavsum oxirida erkin agentga aylanadi.