“Barsa” maydonni ko‘z yoshlari bilan tark etgan Pike bo‘yicha bayonot berdi
Ispaniya chempioantining 10-turida “Barselona” safar uchrashuvida “Atletiko”ga kichik hichobda imkoniyatni boy berdi. Bu uchrashuvning ikkinchi bo‘limi o‘rtalarida Pike mezbonlar vakili Anxel Korrea bilan to‘qnashuvda jiddiy jarohat oldi. U maydonni shifokorlar yordamida ko‘z yoshlari bilan tark etdi.
- Jerar Pike o‘ng tizzasidan jiddiy jarohat oldi. Uni qo‘shimcha tekshiruvlar kutib turibdi. Shundan so‘ng, jarohat darajasi aniqlanadi. Serxio Roberto ham o‘ng oyoq son qismidan shikastlandi. Uni ham qo‘shimcha tibbiy ko‘rikdan o‘tkazamiz, - deyiladi klub bayonotida.
Kuman shogirdlarining ushbu o‘yindagi mag‘lubiyatidan so‘ng, “Barselona” 10-o‘ringa tushib qoldi. Jamoa jiddiy tanqid qilinmoqda.
Fikrlar