“Барса” ҳимоячиси Мбаппени қандай тўхтатишини айтди

Испания чемпионатининг ўнинчи турида мусобақа жадвалида пешқадамлик қилаётган “Реал” ўз мухлислари кўз ўнгида амалдаги чемпион “Барселона”ни қабул қилади.

“Эл-класико”да ҳар икки жамоа ғалаба учун ўйнайди. Каталонияликларнинг истеъдодли ҳимоячиси Пау Кубарси “Реал”нинг энг хавфли ҳужумчиси Килиан Мбаппега қарши ўйнашга тайёрлигини билдирди.

- Мбаппенинг қандай зўр ўйинчи эканини ҳамма билади. Бўлажак баҳсда биз Килианни синчковлик билан кузатиб боришимиз керак. “Реал”нинг қолган футболчиларини ҳам назардан қочириб бўлмайди, - деди Пау Кубарси.

Аввалроқ, 18 ёшли ҳимоячи ҳозиргача ўзи тўқнаш келган ҳужумчилар орасида айнан Килиан Мбаппега қарши ўйнаш жуда қийин эканини тан олган эди.